بصوا انا النظرية دى مش مقتنعة بها وهتفضل اسطورة لغاية لما اقتنع
انا فاهمة قانون الجاذبية بتاع اينشتين على ان فى شبكة مكونة من الفضاء الزمانى او الزمكان شبكة منبسطة وبعدين المجرات احدثت والتجوم والكواكب احدثت فيها ثقل ما فحصل انحناء للشبكة نتيجة الثقل ده وده الذى سبب الجاذبية او بمعنى اصح جاذبية الاشياء الاكثر كتلة الى الاشياء الاقل كتلة
طبعا انا مش فاهمة علاقة ده بالامواج المغناطيسية وان امواج الجاذبية تحيط بنا كل ده معرفتش افهمه
دلوقتى بقى
ع حد علمى ان نظرية الانفجار العظيم بتقول ان الكون كله بدأ بانفجار عظيم بذرة متفردة كونية الذرة دى كان متكثف فيها مادة الكون كله وبعدين قالوا ان الانفجار مش من نوعية اللى بتقول بووووو وتكونت منه المجرات ع طول لا دى قعدت تطلع اشعاعات فيها بروتونات ونيترونات والذى منه وبعدين الاشعاعت دى كانت بتنعكس ع نفسها لان مكنش فيه حيز تتحرك فيه يعنى كان الكون كله عبارة عن حاجة صغننة اوى
حد متخيل معايا الموقف ولا نمتم منى ؟؟؟
وبعدين قعدت تتمدد فادت فرصة للاشعاعات دى تلاقى حيز المادة تقدر تتكون فيه وهما لسه مش عارفين ازاى المجرات قدرت تتكون من الاشعاعات دى
دلوقتى طالما ان الكون كان ذرة يبقى الذرة دى اتمددت فين ؟؟؟؟؟؟
ايه الفراغ اللى سمحلها تمدد فيه
ولو فيه فراغ سمحلها تتمدد فيه
وان الكون عبارة عن حاجة شبه الفقاعة او الكرة يبقى اللى بين اللى مجرات ده ايه ؟؟؟
عدم برده طب ازاى لازم يبقى اللى جوه مختلف عن البره حد فاهم قصدى ؟؟؟
ولو الفارغ كرة يبقى مينفعش نقول ان الفضاء الزمانى شبكة والمجرات عاملة ثقل فيها لان الشبكة دى ع حد تخيلى لازم تبقى منبسطة

يا جماعة لو حد مقتنع بالنظرية دى يفهمنى