السلام عليكم
انا اسف لكنى بجد مش مقتنع بولا كلمة من المكتوب دا و حاسس انه كلام واحد لا يعرف معنى فيزياء اصلا،
الاخطاء كثيرة جدا و القفز على النتائج من غير أثبات مقنع ( فبركة يعنى ) واضحه جدا ،
أسوق اول مثال لخطأ فظيع لا يمكن يقوله واحد درس فيزيا :
لا يمكن اعتبار السرعه بعد رابع لانها ببساطه كمية مشتقه و فى اولى ثانوى درسنا انه ( السرعه= المسافه/ الزمن) و المسافه يعنى احد الابعاد x, y,z و الزمن هو البعد الرابع فى النسبيه ، فأذا كانت السرعه تتكون من زمن و مسافه فلماذا يستبدل الزمن بالسرعه !!!!!!!! و لا هيا فزلكه على الفاضى ،
و بعدين نظرية النسبيه خلاص ثبتت علميا و لو فيها اى شئ ما كانتش فضلت حتى الان و كان زمانها دفنت من قرن ،
الناس دول مش بيهزرو و الدليل انه أينشتين نفسه ما اخدش نوبل على النسبيه لانه كانت فيه اجزاء كثيرة منها لم تثبت ، يعنى مثلا : زيادة الكتلة مع زيادة السرعه عند اقترابها من سرعة الضوء ، النقطة دى لم يتم التأكد منها الا بالصدفه و هما بيعملو معجل ( سيلكترون ) و لما دخلو فيه البروتونات و زادت سرعتها لم تخرج من الفتحه و بعد دراسات تبين انها تأخرت لان كتلتها زادت مع سرعتها و كان الكلام دا سنة 1962 يعنى بعد موت اينشتين ب 7 سنين .,
و بالتالى فمفيش مجال لاى كلام من حكاية التفنيد دى ،
و بعدين لو التفنيد دا صح كنا سمعنا بيه من اى مكان،
عارفين يعنى ايه انه واحد زى الاخ السويدى دا يفند نظرية النسبيه ؟؟؟
دا معناه ببساطه ان كل علماء العالم من سنة 1905 لحد الان كلهم كدا بربطة المعلم حميييييييييييير و الاخ السوديى دا هوا الشاطر اللى استاطع بهول عبقريته النادره انه يعرفنا ان العالم دا كله ما بيفهمش و الدليل اهو ، شوية معلومات علمية مكسره و مش واضحه و مرة تلاقيه دخل فى الدين و مره تلاقيه مش عارف يقول ايه ،
اهو كله كلام على اساس اننا فاضضين كل يوم نسمع الكلام الفارغ دا ،
دا يا جماعة واحد نصاب و بوقل للقائمين على المنتدى ياريت ناخد بالنا و مش كل واحد يطلعلنا بكلام كبير و عناوين زى الجرايد كدا ( مش عارف ايه اينشتين كان مغفل ) ههههههههههههه.
يا سلام ،
دا كدا مش اينشتين وحده مغفل ، دا كمان كل العالم اللى صدقوه يبقو مغفلين و كل النظريات و التطبيقات اللى اتبنت على نتايج نظرية انشتين تبقى كلام فارغ ،
ايه دا كله يا عم ،
ارحمونا بقى من الهزار دا ، مش فاضيين ؟؟؟
و اسف للاطاله بس دا من قرفى