الباحثون في جامعة كامبريدج يصنعون أسلاك من الكربون

https://fbcdn-sphotos-h-a.akamaihd.n...70369277_n.jpg

الباحثون في جامعة كامبريدج يصنعون أسلاك من الكربون

الأسلاك دي اتصنعت في المعمل من أنابيب نانو كربونية .. وميزتها بقى انها أخف 10 مرات من أسلاك النحاس .. وفي نفس الوقت أقوى 30 مرة!

المشكلة بقى في الأسلاك دي هي التوصيلية الكهربية بتاعتها .. بيقولك ان كيلوجرام من النحاس توصيليته الكهربية أعلى مرتين ونص من كيلوجرام من الأنابيب الكربونية دي.

عشان كدة الباحثون في الفترة القادمة هيحاولوا يعملوا هجين من النحاس والكربون لصنع أسلاك فائقة التوصيل.

وفي الوقت الحالي بيقولك اننا ممكن نستخدم انابيب الكربون دي في الروبوتات أو السيارات أو الطائرات لأن مرونتها أعلى من النحاس .. والحاجات دي بنحتاج المرونة فيها أكتر من التوصيلية.

كمان موضوع الوزن ده ممكن نستفيد منه بشكل كبير جدا .. مثلا بيقولك ان حوالي ثلث القمر الصناعي في الفضاء عبارة عن نحاس يصل وزنه 15 طن .. وبعض الطائرات مثلا بيبقى فيها أكثر من 200 كيلومتر من الأسلاك يصل وزنها لحوالي 2 طن .. تخيل بقى الأوزان دي لما نقللها للعُشر؟!

المصدر : http://www.abc.net.au/science/articl...m#.Uc2HnNinz1U