الموجات

[DarkAngel]

السلام عليكم ورحمة الله وبركاته

اسعد الله اوقاتكم بالخير

أنا كلفت بالقيام ببحث في مجال الفيزياء ولابد من أني أقدم البحث يوم الثلاثاء المقبل 13/12/2006 . وبصراحه أنا مش عارف أعمل أيه وحاولت بجميع الطرق لكن مش قادر أوصل لفكرة في البحث ده . هو المطلوب مني في البحث كالتالي :

1 - البحث يكون باللغة الأنجليزية .
2 - يكون عن أي مجال من مجالات الفيزياء في الواقع بمعنى تطبيق للفيزياء في الواقع أمامنا ولا نشعر به .
3 - سوف أقوم بشرح محتويات البحث أمام الحضور من الطلاب باللغة العربية ولذلك يجب عليا فهم عناصر وموضوع البحث .
4 - لابد أن يتضمن البحث قوانين للفيزياء خاصه بموضوع البحث .
5 - البحث مش لازم يبقى طويل ممكن يكون صفحتين أو تلاته مش هتفرق حتى لو صفحه واحده مدام موضوع البحث كويس .

أنا عارف أني بطلب طلب صعب بس أنا حاولت أني أفكر في أي حاجه متعلقة بالبحث ده ومعرفتش أنا لاقيت أفكار حلوة للبحث في قسم ( تفسيرات فيزيائية ) بس المشكلة أن مفيش قوانين مطبقة على التفسيرات دي أو متعلقة بالتفسيرات دي وكمان التفسيرات باللغة العربية بس . وأنا بصراحه في اللغة الانجليزية مستوايا جيد لكن مش هقدر أكتب البحث باللغة الانجليزية .

أنا مش عارف أعمل أيه تاني ،

برجو من كل السادة الدكاترة الأفاضل والسادة الاعضاء مساعدتي ولكم جزيل الشكر والامتنان وجزاكم الله كل خير وجعل العمل ده في ميزان حسناتكم .

تحياتي للجميع ،،،

[hard_revenge]

السلام عليكم ورحمه الله وبركاته دا موقع للابحاث كان احد الاعضاء واضعه فممكن تستفيد منه
http://xxx.lanl.gov/
اتمنى انه يقوم بالمهمه سلاموز

[DarkAngel]

المشكلة أني مش هفهم بالانجليزي . يعني أنا دخلت الموقع ومش عارف أتعامل معاه لأني مش فاهم الكلام اللي بالانجليزي ده خصوصاً أنه فيزياء .

مش عارف أعمل أيه بجد ،،،

[c6f03b387c9958f5a4f4287ea50ca5a3]

مرحبا بك دارك انجيل معنا في المنتدى ويسعدنا مساعدتك فالامر بسيط طالما انك وجدت ما ينفع في موضوع تفسيرات فيزيايية. هناك شيء مطلوب منك في البداية

ولكن عناصر البحث حسب المطلوب هو

عنوان واضح يعكس البحث
ملخص من اربعة اسطر

مقدمة للبحث تحتوي على تشويق للقارئ للمتابعة
النظرية الفيزياية التي اعتمد عليها البحث
التطبيق العملي لها
الخلاصة
المراجع

والان عليك ان تحدد لنا ما الموضوع الذي تريد الكتابة فيه ولاي مستوى من مستويات الدراسة وان شاء الله نساعدك في اكمال المطلوب والمعادلات وخلافه كما جاء في طلبك

تحياتي

[hard_revenge]

السلام عليكم ورحمه الله وبركاته طبعا مافيش كلام بعد الدكتور حازم وشكرا سلاموز

[DarkAngel]

السلام عليكم ورحمة الله وبركاته

في البداية أحب أني أوجه شكري للدكتور الفاضل د.حازم سكيك والفيزيائي البارع hard_revenge
على الأهتمام بالرد عليا ومساعدتي في البحث .

من خلال بحثي في الانترنت وبالتحديد في موقع (ويكيبيديا، الموسوعة الحرة) لقيت موضوع بخصوص الموجات Wave وهو موضوع جميل وموجود في دراستي وضمن مجال الفيزياء بس طبعاً البحث ناقصه نقاط هامة وهي : أني أترجم البحث والقوانين اللي في البحث للغة الأنجليزية . وأني أذكر مثال وتطبيق عملي موجود في الواقع على الموجات وقوانينها ضمن موضوع البحث ، أني أضيف مقدمة للبحث تحتوي على تشويق للقارئ للمتابعة + الخلاصة والمراجع .

ومما سبق ممكن أقول أن موضوع البحث هو عن الموجات

واللينك لموضوع الموجات في موقع ويكيبيديا عشان المراجعه منكم هو : موضوع خاص عن الموجات (http://ar.wikipedia.org/wiki/%D9%85%D9%88%D8%AC%D8%A9)

. وأنا هضيف هنا اللي لقيته مهم من وجهة نظري في موضوع الموجات :

الوصف الفيزيائي للأمواج

مفاهيم أساسية
* طول الموجة Wavelength: اتفق على أن طول الموجة هو أصغر جزء متكرر مكون للموجات ، وطوله يساوي المسافة بين قمتين متتابعتين ، وهو يساوي أيضا المسافة بين قعرين متتابعين أو المسافة المحصورة بين 3 قيم صفرية متتابعة للموجة.
* التردد Frequency أو التواتر:هو مقدار تكرر الموجة الواحدة ذات الطول الموجي المتفق عليه في كل وحدة زمن .
* المطال أو السعة Amplitude او الشدّة القصوى للموجة : هو القيمة المطلقة لأعلى مسافة إزاحة تحدثها الموجة ، ويمكن تخيلها بأعلى ارتفاع تصله موجة تنتقل في حبل ، أو أعلى فرق ضغط يحدثه صوت ما في الهواء (بإهمال تضائل شدة الصوت مع المسافة).
* الموجات الجيبية Sinusoidal Waves: هي موجات تتحرك في اتجاه ما (س) ويمكن تمثيل حركتها بعلاقة رياضية جيبيّة (جا زاوية) هي:
ش = ق(س ، ز) = ع جا ( ك س - و ز )

حيث ش هي شدة الموجة. . س الموقع على خط حركة الموجة.

ز الزمن المار منذ بداية الموجة.

ع أعلى شدّة للموجة (قمة الشّدة) أو مطالها


http://upload.wikimedia.org/wikipedia/ar/e/e9/Wave.png

العلاقات الأساسية
د = 1 \ ز
د هو تردد الموجة ووحدته القياسية الهيرتز. ز هو الزمن بين بداية ونهاية موجة واحدة.

العلاقة بين سرعة انتقال الموجة وطولها وترددها هي:

ع = د × ل
حيث ع هي السرعة التي تتحرك فيها الموجة. ل هي طول الموجة د هو تردد الموجة أو تواترها ووحدته القياسية الهيرتز

طبعاً هو الموضوع ناقص كتير بالاضافه لترجمته للأنجليزي وأنا بعتمد على الله ثم عليكم في إن البحث ده يكون كامل مكمل والكمال لله وحده وأنا بحاول معاكم وبرضو ببحث وبراجع عن موضوع الموجات ده عشان أبقى فاهم موضوع البحث وعناصره وعشان لو لقيت معلومة أقدر أضيفها .

وبرضو ومن خلال بحثي قي نفس الموقع سابق الذكر لقيت موضوع خاص بالـ wave باللغة الانجليزية وأنا هضيف اللينك الخاص بالموضوع هنا يمكن يفيدكم في موضوع البحث .

موضوع خاص عن الموجات باللغة الأنجليزية (http://en.wikipedia.org/wiki/Wave)

وأنا منتظر ردكم ، وأسف على الأزعاج .
وبكرر شكري ليكم

[c6f03b387c9958f5a4f4287ea50ca5a3]

ستجد في الانترنت مقالات ومواضيع عن الحركة الموجية بطريقة اوضح من تلك التي في موسوعة وكيبيديا ساحاول البحث لك في المساء ان شاء الله ولكن على العموم هذا الجزء من كتاب سيروي ارجو ان يفيدك في البحث ستجد فيه كل المعلومات التي تريد

تحياتي

[DarkAngel]

بصراحه أنا مش عارف أجمع عناصر البحث . أنا لازم أفهم الموضوع الاول بالعربي بعدين أفكر أزاي أحوله للأنجليزي . هو موضوع الموجات في مجال دراستي بيتكلم عن الموجات عموماً بشكل عام مش موجات محدده بعينها زي الموجات الصوتيه أو الضوئية أو الحرارية ....

وكل القصه أن البحث يتكلم عن الموجات بصفة مختصرة مع شرح أي قانون ليها يكون بسيط وتطبيق للقانون ده في الواقع .

أنا كمان دخلت وقت حرج لأن النهارده الاتنين ولازم أقدم البحث وأناقشة بكرة يوم الثلاثاء ولسه معملتش أو جمعت أي حاجه من عناصر البحث ، فالرجاء مساعدتي في أسرع وقت

[DarkAngel]

السلام عليكم ورحمة الله وبركاته

الدكتور الفاضل د.حازم سكيك ... أنا أتأخرت كتير في تقديم البحث وبناء عليه قرر الدكتور خصم 8 درجات من المجموع النهائي وأعطائي فرصة لحد يوم السبت عشان أقدم البحث .

وبناء على كده أنا عملت بحث سريع وكويس بس لازم لمسات حضرتك عشان يكتمل البحث وخصوصاً أني مش عارف أترجم البحث للغة الأنجليزية . وناقصني مقدمة تشوق القارئ للمتابعة وناقص ليا بعض النقاط في عناصر البحث .

أنا أرفقت البحث في الرسالة دي وبرجوا من حضرتك تعديل البحث بما تراه مناسب حتى لو حضرتك هضيف عليه عشان يبقى كامل .

وطلب أخير أنا مش عارف أترجم البحث للغة الأنجليزية ..............

وجزاك الله كل خير وجعل عملك ده في ميزان حسناتك ووفقك في الدنيا والأخرة .